Sot do të zhvillohet në Prishtinë mbledhja e tretë midis dy qeverive Shqipëri-Kosovë. Në takimin që do të mbahet në Bibliotekën Kombëtare “Pjetër Bogdani” dy qeveritë pritet të firmosin gjithësej 7 marrëveshje ku përfshihen reformat në fushën e adminsitratës publike , marrëveshjet doganore, ato për partneritet kufitar, marrëveshjet për krijimin e qëndrës së përbashkët trajnuese, etj. Mbërritja në Prishtinë e delegocionit shqipëtar pritet të jetë rreth orës 11:00, ndërsa mbledhja midis dy qeverive do të nis rreth orës 11:20.
Pas mbledhjes do të ketë një konferencë për shtyp ku do të flasin dy kryeministrat, Edi Rama dhe Isa Mustafa. Është vendosur që vetëm 4 pyetje do të bëhen gjatë konferencës, dy pyetje nga gazetarët shqipëtarë dhe dy nga gazetarët kosovar.
Për këtë mbledhje të dy qeverive Kryeministri Edi Rama ka bërë një postim në rrjetet sociale:
“Neser mbledhja III e dy qeverive me nje bilanc pozitiv dhe ambicie per te bere ende me shume #ShqiperiaKosova nje popull nje enderr”.
Marrëveshjet që do të vendosen :
-Marrëveshja, për njohjen e ndërsjellë të certifikatës së testim/kalibrim të tahografit të mjeteve rrugore,
-Marrëveshja për bashkëpunim në mes autoriteteve tatimore dhe doganore të Republikës së Kosovës dhe republikës së Shqipërisë në fushën e hetimeve administrative, hetimeve tatimore dhe doganore.
-Marrëveshje e bashkëpunimit ndërmjet Ministrisë së Administratës Publike të Republikës së Kosovës dhe Ministrisë së Shtetit për Inovacion dhe Administratë Publike të Republikës së Shqipërisë për ngritjen e kapaciteteve në realizimin e reformave në fushën e mirëqeverisjes dhe administrimit publik.
-Marrëveshje për krijimin e Qendrës së Përbashkët trajnuese.
-Marrëveshja për Partneritet për bashkëpunimin ndërkufitar ndërmjet Republikës së Kosovës dhe Republikës së Shqipërisë.
-Marrëveshje e bashkëpunimit ndërmjet Ministrisë së Mjedisit dhe Planifikimit Hapësinor të Republikës së Kosovës dhe Ministrisë së Mjedisit të Republikës së Shqipërisë.
-Memorandumi i bashkëpunimit ndërmjet Ministrisë së Zhvillimit Ekonomik të Republikës së Kosovës dhe Ministrisë së Energjisë dhe Industrisë së Republikës së Shqipërisë.
