Vëllai i kreut të FSHF Armand Duka, ka reaguar lidhur me shpërthimin me eksploziv në hyrje të banesës së tij.
Agron Duka, tha se kishte paralajmëruar që jeta e tyre është në rrezik që pas publikimit të audio-përgjimit të Veliajt, dhe pasi tatimorët zbarkuan te bizneset e tyre. Ndër të tjera Duka tregon se brenda shtëpisë ndodhej kunata e dhe nipi i tij, të cilët janë frikësuar nga shpërthimi dhe nuk kanë faj që Veliaj do të vendosë një person të vetin në FSHF.
“Mënyra e komunikimit të Veliajt për të zaptuar patjetër atë që kishte ngelur. E ndjeja që mund të ndodhte një gjë, e kisha thënë në intervistë që ndihemi të kërcënuar. Bashkëshortja dhe fjali i Armandos ndodheshin në shtëpi dhe ishin të frikësuar. Çfarë faj kanë atë që Veliaj do të vendosë një person të vetin në FSHF”, ka thënë ai.
Duka u shpreh se nuk beson që personi që ka vënë eksplozivin ishte një person i porositur nga Kryebashkiaku Veliaj, ndërsa shton se ky i fundit ka bërë negociata me të fortët.
“Vajtja në atë biznes cenon jo vetëm atë biznes por të gjitha bizneset. Unë nuk besoj që Veliaj ka marrë guximin që të çojë një person që të vendos tritol, dhe të kërcënoj Armandon që të tërhiqet nga zgjedhjet, por jam i sigurt që ka bërë negociata me të fortët që më pas është e vështirë t’i menaxhosh. Tatimorët janë ushtarë, kanë marrë urdhër që të vijnë”, ka thënë ai.
