Lokali i një ish-polici është hedhur në erë me tritol në orët e para të mëngjesit të sotëm në fshatin Grudë e Re, në Shkodër. Mësohet se ngjarja ndodhi në orën 02:30 lokali është në pronësi të ish-policit, Ndrek Rrasa.
Ndërkaq autorët kanë arritur të djegin edhe një furgon i cili ishte i parkuar pranë biznesit në pronësi të Rrasës. Bëhet me dije se dëmet materiale janë të mëdha ndërsa nuk raportohet për të lënduar.
Ende nuk dihet nëse kjo ngjarje lidhet me të shkuarën e ish-policit dhe problemet që mund të ketë pasur me autorët. Pritet që në orët në vijim policia të dalë me një informacion zyrtar më të detajuar të ngjarjes.
