Pas shpërthimit të fuqishëm në një pikë karburanti në superstradën Lezhë-Laç tri ditë më parë, inspektorët e ISHTI-t kanë vendosur të bllokojnë karburantin.
Grupi i inspektorëve do të shkojë mesditën e sotme, në pikën e karburantit për ta bllokuar atë, për shkak të mos plotësimit të kushteve të sigurisë.
Nga shpërthimi i dy bombolave të gazit në këtë biznes mbetën të plagosur shtatë persona, mes tyre edhe dy vajza të vogla, 2 dhe 5 vjeçe.
Dy prej të plagosurve ndodhen në QSUT, Tiranë, ndërsa sipas mjekëve ata kanë marrë dëmtime të shumta në pjesët e trupit, ku njëri prej tyre rezulton i djegur në shkallën 40 për qind.
