Të paktën katër persona kanë humbur jetën dhe tre të tjerë janë plagosur rëndë pas dy shpërthimeve të njëpasnjëshmë në një fabrikë fishekzjarrësh në Mesina, Itali.
Ngjarja ka ndodhur rreth orës 17:00 të së mërkurës, ndërsa një nga viktimat mësohet të jetë bashkëshortja e pronarit të fabrikës 71 vjeçe, ndërsa i plagosur rëndë ka mbetur edhe djali 37 vjeç.
Ndërkohë një tjetër person rezulton i zhdukur. Në momentin e shpërthimeve brenda në fabrikë ndodheshin disa punëtorë që po punonin me saldatriçe dhe sipas burimeve të para kanë qenë shkëndijat e tyre që kanë shkaktuar shpërthimin.
