Një shpërthim ka ndodhur mbrëmjen e sotme në repartin ushtarak në Porto Romano të Durrësit, ku për pasoj kanë mbetur të plagosur një rreshter dhe një punonjës i Albcontrol, të cilët ndodhen jashtë rrezikut për jetën.
Sipas Ministrisë së Mbrojtjes, ngjarja ka ndodhur gjatë procesit të pastrimit të territorit të repartit ushtarak.
Mësohet se pasi ata kanë korrur barin brenda territorit të repartit ushtarak, i kanë vënë zjarrin, ndërsa besohet se një kapsollë shpërtheu.
Gjendja shëndetësore e dy të plagosurve raportohet të jetë e qëndrueshme, pasi kanë vetëm djegie të lehta.
