Policia e Krujës ka vënë në pranga një 35-vjeçar pasi ditën e djeshme ka shpërthyer një sasi lënde plasëse artizanale në një panel diellor, në Krastë të fshatit Halil, Fushë-Krujë.
Policia e Durrësit bën me dije se : “Në momentin që ka ndodhur shpërthimi A.Tali ka qenë roje pranë vendit ku ndodhi shpërthimi. Gjithashtu, nga veprimet e imtësishme hetimore dyshohet se lëndën eksplozive mund ta ketë vendosur vetë shtetasi i mësipërm, në shenjë presioni për shpërblim nga ana e pronarit të panelit diellor”
Fatmirësisht, nga shpërthimi nuk ka pasur të lënduar, vetëm dëme materiale.
Sipas policisë, Tali është person me preçedentë penalë të mëparshëm në fushën e veprave penale kundër pronës.
Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale”Moskallëzimi i krimit”, “Shkatërrimi i pronës me eksploziv”dhe”Prodhimi dhe mbajtja pa leje e armëve luftarake dhe e municionit”parashikuar në nenet 300, 152 dhe 278/2 të Kodit Penal.
