Një shpërthim i kontrolluar ka ndoodhur në ambientet e brendshme të pallatit të Kastratëve në lagjen 17 në Durrës.
Inspektoriati Kombëtar i Mbrojtjes së Territorit (IKMT) po e kryen këtë shpërthim për shkak se pallati është shpallur i pabanueshëm që nga tërmeti i 26 nëntorit.
IKMT ka kryer 12 shpërthime, nga një për secilin kat, ndërsa shpërthimi ka bërë që qyteti të mbulohet nga re të mëdha tymi.
Njoftimi nga IKMT:
IKMT, 88 kg tritol pallatit 12 katësh në Durrës
Inspektorati Kombëtar i Mbrojtjes së Territorit ka kryer sot për herë të parë një procedurë për shembjen e një godinë 12 katëshe në Durrës. Duke perdorur 88 kilogramë lëndë plasëse në 1200 furnela (vrima) specialistët e IKMT, kanë kryer shpërthime në të gjitha katet e brëndshme të godinës. Sipas specialistëve, kjo procedurë është përdorur pasi muret e objektit kanë qënë beton arme me dy zgara hekuri nga themelet deri në kat të fundit, me 40 cm trashësi dhe ishte e pamundur që objekti të shëmbej me menyrat e zakonshme. Kjo ishte faza e dytë e punës në këtë ndërtese. Pallati 12 katesh, i cili ka qënë i banuar, ka pësuar anim në njërin krah pas tërmetit te 26 nëntorit te vitit të kaluar. Deri tani në Durrës, IKMT ka shëmbur mbi 100 objekte të lartë.
