Një person ka vdekur pas një shpërthimi në një pallat në Jersey të MB, ku deri më tani 12 persona janë zhdukur dhe dy janë duke u trajtuar në spital pas shpërthimit në Pier Road në St Helier pak para orës 04:00.
Sipas BBC, kërkimet janë duke u zhvilluar dhe shefi i policisë Robin Smith tha se priste që kjo të zgjaste “disa ditë” dhe ende nuk është i qartë numri i banesave të përfshira.
“Është një skenë mjaft shkatërruese… skena është shumë e rrezikshme për të gjithë stafin tonë. Nuk e di numrin e saktë të banesave të shkatërruara, por kemi një ndërtesë trekatëshe që është shembur plotësisht”, tha ai.
Shërbimet e urgjencës thanë se zjarri i shkaktuar nga shpërthimi është shuar ndërkohë që po përdoren burime të specializuara për të gjetur “këdo të bllokuar në rrënoja”.
Qeveria e Jersey u ka kërkuar banorëve të ishullit që të mos shkojnë në Departamentin e Emergjencave “nëse nuk është absolutisht e nevojshme”.
Një banore përshkroi se u zgjua nga ajo që mendonte se ishte një tërmet rreth orës 03:50.
“Shtrati filloi të dridhej dhe pati një zhurmë të madhe. Kam kontrolluar në internet për lajme në lidhje me një tërmet apo rrufe, nuk e kisha idenë se çfarë ishte”, tha ajo.
Një person ka vdekur pas një shpërthimi në një pallat në Jersey të MB, ku deri më tani 12 persona janë zhdukur dhe dy janë duke u trajtuar në spital pas shpërthimit në Pier Road në St Helier pak para orës 04:00.
Sipas BBC, kërkimet janë duke u zhvilluar dhe shefi i policisë Robin Smith tha se priste që kjo të zgjaste “disa ditë” dhe ende nuk është i qartë numri i banesave të përfshira.
“Është një skenë mjaft shkatërruese… skena është shumë e rrezikshme për të gjithë stafin tonë. Nuk e di numrin e saktë të banesave të shkatërruara, por kemi një ndërtesë trekatëshe që është shembur plotësisht”, tha ai.
Shërbimet e urgjencës thanë se zjarri i shkaktuar nga shpërthimi është shuar ndërkohë që po përdoren burime të specializuara për të gjetur “këdo të bllokuar në rrënoja”.
Qeveria e Jersey u ka kërkuar banorëve të ishullit që të mos shkojnë në Departamentin e Emergjencave “nëse nuk është absolutisht e nevojshme”.
Një banore përshkroi se u zgjua nga ajo që mendonte se ishte një tërmet rreth orës 03:50.
“Shtrati filloi të dridhej dhe pati një zhurmë të madhe. Kam kontrolluar në internet për lajme në lidhje me një tërmet apo rrufe, nuk e kisha idenë se çfarë ishte”, tha ajo.
