MILANO – Rrjedhja e gazit në një ndërtesë në Milano ka shkaktuar një shpërthim të fuqishëm, tre viktima dhe disa të plagosur. Mediat në Itali bëjnë të ditur se ngjarja ka ndodhur rreth orës 08:56, në një pallat në rrugën “Brioschi” në Milano.
Shpërthimi ka qënë aq i fuqishëm, sa që një pjesë të godinës është shembur, ndërsa janë thyer të gjithë xhamat e ndërtesave që ndodheshen aty pranë.
Forcat e ndërhyrjes së shpejtë flasin për të paktën 3 viktima, ndërsa dy vajza janë dërguar në spital me djegie të rënda në trup. Në vendin e ngjarjes kanë mbërritur edhe forcat zjarrëfikse, disa ambulanca dhe karabinierët.
