Ndërron jetë në spital një nga tre personat që u plagosën pas shpërthimit të fortë të një trasnformatori në autostradën Tiranë-Durrës.
Mësohet se viktima është Gjergji Sula. Ai dhe dy punëtorë të tjerë Sari Çollaku dhe Fari Çollaku morën lëndime gjatë kontaktit me rrymën në transformator. Ndërkaq, njëri prej të plagosurve është në gjendje të rëndë, kurse punëtori tjetër jashtë rrezikut për jetën.
Sipas policise ngjarja ka ndodhur në autostradën Tiranë– Durrës, ku në një objekt që po rikonstruktohej ka shpërthyer një transformator i tensionit të lartë.
Informacioni nga policia
Rreth orës 12.00, në autostradën Tiranë – Durrës në afërsi të një objekti në rekonstruksion si pasojë e një shkëndie elektrike ka shpërthyer një transformator elektrik.
Si pasojë e shpërthimit kanë mbetur të dëmtuar 3 punonjës e këtij objekti shtetasit GJ. S, S. Ç dhe F. Ç të cilët u dërguan në spital për ndihmë mjeksore.
Grupi hetimor ndodhet në vendngjarje dhe po vijon punën për sqarimin e metejshëm të rrethanave të ngjarjes.
Informacioni nga OSHEE
Për shkak të punimeve të kompanisë “4AM”, në autostradë, ku dy punëtorë të kësaj firme kanë shkurtuar distancën me linjën 110 kV të OST, çka ka shkaktuar masë, ka mbetur për disa minuta i stakuar NST Kashar.
Ky defekt la pa energji bizneset përgjatë autostradës, zona e Kamzës, Vora dhe Mëzez.
Grupi i punës së avarisë së OSHEE mori masa për furnizimin menjëherë të nstacionit me linjën rezervë dhe aktualisht kanë marrë energji të gjithë zonat e lartpërmendura.
Aktualisht kemi stakuar për masë vetëm fiderin që furnizon me energji zonën pranë Coca Colës.
