Një shpërthim ka ndodhur ditën e sotme në një karburant në Shkozet. Burime bëjnë të ditur se nga shpërthimi kanë mbetur persona të plagosur.
Sipas njoftimit zyrtar nga policia, ngjarja ka ndodhur rreth orës 11:00, në lagjen nr.14 Durrës, në një pikë shitjeje.
Shkak është bërë rrjedhja e gazit që ka çuar në shpërthimin e bombulës.
Për pasojë janë plagosur punonjësit e pikës së shitjes, të identifikuar me iniciale R. K., 25 vjeç dhe E. K., 41 vjeç, të cilët ndodhen nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.
