Një ngjarje e rëndë ka ndodhur në Laç ku si pasojë e shpërthimit të një bombole gazi, një vajzë e re ka pësuar dëmtime dhe djegie të shumta.
Ngjarja ka ndodhur mëngjesin e sotëm, rreth orës 07:40, në banesën e shtetasit A.G., në lagjen Nr.2 në Laç, ku ka shpërthyer një bombol gazi e cila ishte e vendosur në ballkonin e apartamentit.
24-vjeçarja M.G., është dërguar në spitalin e Traumës Tiranë, ku pas ndihmës së marrë, aktualisht ndodhet jashtë rrezikut për jetën.
Nuk dihen ende rrethanat e ngjarjes, ndërkohë që policia dhe Prokuroria vazhdojnë hetimet për zbardhjen e plotë të ngjarjes.
