Policia e Dibrës ka arrestuar ditën e sotme dy të rinj, të cilët merreshin me shpërdarje të lëndëve narkotike.
Mësohet se A. D., 20 vjeç, dhe B. Z., 18 vjeç, shpërndanin cannabis sativa në doza të vogla në vendin e quajtur “Ura e Sebinit”. Materialet procedurale do t’i referohen Prokurorisë Dibër për hetime të mëtejshme.
Njoftimi Policisë:
Goditet një rast i shpërndarjes së lëndëve narkotike. / Arrestohen në flagrancë dy shtetas
Në vijim të punës për parandalimin dhe goditjen e trafikimit të lëndëve narkotike si dhe mbi bazën e informacioneve të marra në rrugë operative, se dy të rinj mund të merren me shpërndarje të lëndëve narkotike në doza të vogla, specialistët për hetimin e Narkotikëve në Drejtorinë Vendore të Policisë Dibër, organizuan punën, duke ushtruar kontroll ku në vendin e quajtur “Ura e Sebinit”, Shupenzë, u gjetën dhe u bllokuan në cilësinë e provës materiale disa doza të vogla me lëndë narkotike e dyshuar cannabis sativa.
Në përfundim të veprimeve të para hetimore , u arrestuan në flagrancë shtetasit:
A. D., 20 vjeç, banues në Bulqizë,
B. Z., 18 vjeç, banues në Maqellarë.
Materialet procedurale do t’i referohen Prokurorisë Dibër për hetime të mëtejshme.
