Premier Liga prej vitesh konsiderohet si kampionati më i pasur në botë.
Kjo gjë konfirmohet edhe nga statistikat e shpenzimeve të ekipeve të këtij kampionati.
Vetëm këtë sezon, pra në merkaton e verës dhe atë të janarit që u mbyll ditën e djeshme, ekipet e Premier Ligës kanë shpenzuar një shifër të çmendur prej 1 miliard stërlinash.
Vetëm në merkaton e janarit, ekipet e Premier Ligës kanë shpenzuar 175 milion sterlina.
Kjo shumë është më e larta e këtyre 5 viteve të fundit.
Ndërsa gjatë verës u shpenzuan plot 870 milion stërlina.
Të dhënat bëhen me dije nga agjencia Deloitte.
Ajo që bën diferencën me kampionatet e tjera, është fakti se në Angli edhe ekipet që konsiderohen të mesme apo të vogla, bëjnë blerje super të shtrenjta, që në Itali p.sh nuk i bëjnë dot as ekipet e mëdha.
Shembulli është blerja e Imbulas nga Stoke Siti, që pagoi tek Porto 18.3 milion stërlina tek Porto.
Dhe të mendosh që Milani nuk arriti të merrte dot një mbrojtës në Argjentinë, vetëm se nuk donte të paguante 400 mijë euro, për ta marrë atë falas në qershor, pasi i përfundon kontrata.
