Kryeministri Edi Rama njofton se sot në orën 15: do të prezantojë planin e masave, pas shpelljes së krizës së energjisë.
Një ditë më parë, kreu i qeverisë foli për një paketë masash, që sipas tij kanë si qëllim mbrojtjen e konsumatorit dhe biznesit të vogël nga rritja e çmimeve. Ndërsa në një postim në rrjetet sociale, Rama zbulon se prezantimi do të bëhet në orën 15:00.
“SOT ORA 15.00
Shqipëria përballë rritjes së shumëfishtë të çmimit në tregjet ndërkombëtare dhe Plani i Qeverisë për mbrojtjen e familjes shqiptare nga furtuna e krizës energjitike?” shkruan Rama.
Kreu i qeverisë ka thënë se kriza në Shqipëri erdhi për shkak të situatës në Evropë dhe se jemi të varur nga tregjet ndërkombëtare. Për këtë situatë është ngritur një grup ndërinstitucional, të cilit ia ka besuar sërish Arben Ahmetajt.
