Policia e Tiranës ka shpallur në kërkim një efektiv të Gardës së Republikës me akuzën e “Vrasje me dashje e mbetur në tentativë”.
Bëhet me dije se gjatë ditës së djeshme gardisti Mariglen Hoxhallari ka goditur me sende të forta Ismet Lleshin duke i shkaktuar dëmtime të mëdha. Gardisti 35 vjeçar ishte nën shoqërinë e personave të tjerë kur ka kryer rrahjen.
Njoftimi i policisë
Komisariati i Policisë Nr. 6
Policia e Tiranes ka shpallur ne kerkim efektivin e Gardes se Republikes M.H., i dyshuar per vepren penale “Vrasja me dashje, e mbetur në tentativë”.
Ngjarja ka ndodhur në datë 24.12.2019 dhe materialet u referuan në Prokurorinë pranë Gjykatës së Shkallës së Parë Tiranë.
35 vjeçari, dyshohet se ne bashkepunim me persona te tjerë (punohet për identifikimin e kapjen e tyre) kanë goditur me sende të forta nje shtetas, i cili po merr ndihmen mjekesore.
