Një person është shpallur në kërkim në lidhje me vrasjen e vëllait të Talo Çelës, Bujar Çela, pak javë më parë tek rrethrrotullimi i Elbasanit.
Dyshohet se personi në fjalë është ekzekutori, ndërsa burimet policore saktësojnë se identifikimi i tij është bërë me prova shkencore.
Ekzekutimi mafioz i Bujar Çelës, i cili punonte si taksist, ndodhi rreth orës 05:45 të mëngjesit të 17 shtatorit, teksa 62-vjeçari konsumonte çdo mëngjes kafenë në një lokal pranë rrethrrotullimit të Bradasheshit.
Sa i përket Erjon Alibejt, vijon të jetë i dyshuar dhe nuk është faktuar ende roli i tij nga ana e hetuesve por mendohet se ai ka patur rolin e pororsitësit të vrasjes së vëllait të Talo Çelës.
Talo Cela është i shpallur në kërkim për “Grabitjen e Rinasit” ku mbeti i vrarë Admir Murataj dhe ku dyshohet se u grabiten rreth 10 milion euro, ngjarje për të cilën dyshohet se në shenjë hakmarrje është ekzekutuar dhe vëllai i tij Bujar Çela.
