Autori shqiptar, Gazmend Kapllani ka bërë një koment të shkurtër për deklaratat e kandidates më të përfolur të Partisë Socialiste Luljeta Bozo, për kohën e komunizmit dhe të Enver Hoxhës, ku sipas saj ateherë kishte më shumë të mira sesa efekte negative në vend.
Kapllani ka ironizuar duke u shprehur se nëse shoqa Nexhmije do të ishte gjallë, ndoshta do ishte tani në krye të listës së PS-së në vend të shoqes Luljeta.
Postimi i plotë
Shoqja Nexhmije vdiq herët: ndoshta do ishte tani në krye të listës së PS-së në vend të shoqes Luljeta. Sa për të tjerat: të thuash nga pozita e dikujt që kërkon pushtet politik që regjimi enverist, nga më kriminalet dhe paranojaket e historisë së Shqipërisë dhe të botes, ka patur më shumë të mira se të këqija është barbarizëm. Nuk është vetëm përligjie e krimit dhe dhunës por edhe nxitje për krim dhe dhunë.
Votoni kundër nekrofilëve në pushtet, votoni kundër PS-së!
Që këtej e tutje është detyrë morale.
