Aktorja e njohur Monika Lubonja është një nga personazhet e “Big Brother Vip”, e cila ka zgjedhur të shijojë në maksimum famën që mori nga ky program.
Që pas daljes së saj nga shtëpia më e famshme e BBV aktorja është shumë aktive në rrjetet sociale. Lubonja çdo herë ia arrin të rrëmbejë vëmendjen e mediave rozë dhe “thumbat” kundrejt ish banorëve apo edhe e detaje nga jeta e saj e përditshme.
Mesa duket aktorja ditën e sotme e ka gdhirë jashtë në shoqërinë e mikeshave të saj. Monika ka postuar në Instagram disa story ku tregon se ajo dëshiron të ikë po shoqëria e saj do të vazhdojë të pijë.
“Dua të iki, por kam një tavolinë që akoma do të pijë dhe unë… Disa pi e unë rri,”- dëgjohet të thotë ish-banorja e “Big Brother Vip” në video.
Ju kujtojmë që një javë më parë Monika ka ndarë me ndjekësit e saj sërish “hallin” që e mundon. Me anë të një instastory, me fjalë të tjera ajo tregon se është zgjedhja e saj të rrijë single, duke “refuzuar” këdo që i afrohet.
“Kush ankohet që është single, por në të njëjtën kohë nuk i jep asnjë shans askujt.”
