Të tjera detaje po dalin nga arratisja dhe fshehja e Ervis Martinajt, si dhe ndaj personave që e kanë ndihmuar atë. Ditën e sotme përmes një postimi në rrjetin social Facebook, gazetarja Anila Hoxha, thotë se agjenti i Forcave Operacionale në Policinë e Shtetit, Jeton Lami, arrestuar për shpërdorim detyre pasi shoqëronte dhe informonte të shumëkërkuarin Ervis Martinaj, “është personi më i rrezikuar në Shqipëri”. Sipas saj, atij dhe familjes i duhet siguruar mbrojtje, që “të zbërthehet” e të tregojë shefat e policët që janë ende në detyrë dhe punojnë për krimin. Sipas gazetares Hoxha, Lami, që aktualisht mbahet ne burgun e Shenkollit, “llogaritet se nga bota e errët vendosi një pasuri gati 600 milionë euro”. Nga polic i thjeshtë, Lami sipas gazetares kaloi në radhët e forcave Operacionale me porosi “të Martinajt”.
“Jeton Lami është i rrezikuar nga koleget e tij te rekrutuar që me siguri po ju dridhen këmbët që ai di disa gjera. Kështu që një prokuror, Zoti e di kush është ai , lë ta bëjë atë rruge Tirane – Shënkoll , te qëndroje aty e te flasë e ti’ japë besim një ‘ ushtari te vogël;” , sepse do te këtë dosjen me te madhe te krimit te organizuar në Shqipëri. Jeton Lami, është pak po re sigurte, qe sa kohe ishte përkrah një te shumë kërkuari , ai nuk ishte vetëm dhe jo me i rëndësishmi ushtar i tij. Ai di emra zyrtaresh policie që janë paguar për të mbyllur një sy për lojërat e fatit që gëlonin te organizuara nga kryeqyteti e në çdo qytet për te informuar ne kohe e për tu bere zbor policeve te thjeshte , atyre te parekrutuarve. Dhe jo vetëm”, shkruan Anila Hoxha. Sipas saj duhet një prokuror i drejtë dhe i pandikuar që të hap dosjen më të madhe të krimit të organizuar.
