Gjatë një aksioni policor ditën e sotme, është ndaluar me një makinë të blinduar Ramazan Rraja, nipi i deputetit të PS, Rahman Rraja. Sipas informatave të fundit, bashkë me Ramazan Rrajan është shoqëruar nga policia dhe djali i deputetit Rrahman Rraja, Rexhep Rraja, i cili pak vite më parë u akuzua për dhunimin dhe kërcënimin e një vajze, Xhisiela Maloku.
Ndërkohë që bashkë me ta, në polici është shoqëruar dhe kushëriri tjetër i tyre J.Rraja. Mësohet se policia po kryen kontrolle dhe verifikime për mjetet e blinduara. Deri më tani janë shoqëruar disa shoferë të mjeteve të blinduara, ndërsa 3 të tilla janë bllokuar.
Kujtojmë se Rexhep Rraja u arrestua në 30 shtator të vitit 2018, pasi u denoncua nga ish-e dashura e tij Xhisiela Maloku për dhunë dhe presion.
Pas tërheqjes së denoncimit të Malokut, ajo më pas deklaroi se e kishte kallëzuar pasi ishte bërë xheloze, kështu Rraja u la në shërbim prove nga Gjykata. Ndër të tjera, Xhisiela deklaronte se shumë herë dyshja digjnin njëri-tjetrin me cigare, si një mënyrë eksperimentimi.
Nga ana tjetër, Ramazan Rraja është një emër i lakuar nga policia, pasi është akuzuar për disa ngjarje, për trafik droge apo dhe për masakrën e Fushë-Krujës, ku u ekzekutuan me rreth 100 plumba kallashnikovi tre të rinjtë Brilant Martinaj, Diklen Vata dhe Besmir Hoxha.
Kujtojmë se Ramazan Rraja ka qenë shpallur në kërkim nga policia si një prej tre personave që vitin e shkuar u futën të armatosur dhe maskuar në një lokal në Lezhë. Ndaj Rrajës gjithashtu rëndon akuza e trafikimit të drogës, nga autoritetet belge, që kanë kërkuar dënimin e tij me 8 vite burg.
Lexo edhe: Lëvizte me mjet të blinduar, ndalohet nipi i deputetit të PS
