“Të njohë e të kërkojë falje për dhimbjet e shkaktuara nga Napoleon Zerva, të njohë të drejtat e mohuara dhe të mundësojë kthimin e shqiptarëve në trojet e tyre amtare në Çamëri”
Shoqata “Çamëria” përkujtoi sot Ditën Ndërkombëtare kundër Holokaustit, duke e konsideruar atë si një ditë që përbashkon njerëzimin kundër krimeve të nazizmit gjatë Luftës së Dytë Botërore.
Në këtë ditë të rëndësishme, shoqata Çamëria gjen momentin t’i bëjë apel shtetit grek, të veprojë ashtu si Gjermani me hebrenjtë dhe ti kërkojë falje popullit të çamërisë për masakrën ndaj tyre. Çamëria i bën thirrje Greqisë të ndahet nga e kaluara e errët dhe konkretisht të njohë e të kërkojë falje për dhimbjet e shkaktuara nga Napoleon Zerva nga popullit çam, të njohë të drejtat e mohuara dhe të mundësojë kthimin e shqiptarëve në trojet e tyre amtare, në Çamëri.
“Shoqata “Çamëria” i bën thirrje shtetit grek të ndjekë shembullin madhështor që vjen nga Gjermania, një vend i cili i dënoi ashpërsisht krimet e nazizmit. Apo shembullin që vjen nga Rusia, ku tartarëve iu kërkua falje dhe u rikthyen në shtëpitë e tyre. Greqia duhet të bëjë të njëjtën gjë, të ndahet nga e kaluara e errët dhe të bashkëpunojë për një të ardhme paqësore e mirëkuptuese. Shteti grek duhet, qoftë edhe me kaq vite vonesë, të kërkoj një falje për dhimbjet e shkaktuara nga Napoleon Zerva, të njohë të drejtat e mohuara dhe të mundësojë kthimin e shqiptarëve në trojet e tyre amtare: në Çamëri!
