Një aksion rutinë i policisë së kryeqytetit në orët e vona të mbrëmjes së të shtunës ka zbuluar një drejtues mjeti që drejtonte mjetin në gjendje të dehur.
Dhe sikur të mos mjaftonte kjo, shoferi i dehur udhëtonte me makinën e tij në sensin e kundër të qarkullimit.
Siç njofton policia e Tiranës në rrjetin social Facebook, ngjarja ka ndodhur në zonën e Saukut.
Fatmirësisht, forcat e policisë e kanë evidentuar rastin në kohë duke parandaluar ndonjë ngjarje të rëndë, për shkak të lëvizjes së mjetit në kundravajtje.
Pasi ka ndaluar mjetin, policia ka bërë kontroll në makinë, ndërsa drejtuesi i mjetit ka rezultuar me normë të lartë alkooli të konsumuar.
Pas ngjarjes uniformat blu kanë shoqëruar në komisariatin Nr.1 shoferin e dehur të identifikuar si Edison Sallaj.
Sakaq, policia e shtetit ka publikuar edhe videon në rrjetin social Facebook ndërsa bashkëngjitur ka shkruar: “1.14 mg/l. E pa pranueshme. Drejton mjetin në gjendje të dehur, qarkullon në sensin e kundërt të lëvizjes duke rrezikuar jetën e tij dhe të përdoruesve të rrugës”.
