Organizata Botërore e Shëndetësisë është shprehur se një izolim i dytë mund të ndalohet nëse të gjithë qytetarët respektojnë rregullat.
Drejtuese teknike e OBSH-së mbi çështje që lidhen me COVID-19, Maria Van Kerkhove është shprehur se të gjithë duhet të respektojnë masat, të gjithë duhet të bëjnë këtë sakrificë për të bërë të mundur parandalimin e përhapjes së koronavirusit.
“Ne mund t’i shmangim bllokimet në nivel kombëtar, mund t’i shmangim kufizimit masive nëse gjithkush luan rolin e vet. Vendimet që marrim çdo ditë për të shmangur hapësirat e mbushura me njerëz apo mjediset e mbyllura për periudha të gjata kohore, vendimet që marrim lidhur me shmangien e grumbullimeve, janë sakrifica që të gjithë duhet t’i bëjmë“, thotë Maria Van Kerkhove, drejtuese teknike e OBSH-së mbi çështje që lidhen me COVID-19.
