Presidenti i Republikës, Ilir Meta morri sot pjesë në Samitin e Krerëve të Shteteve të Procesit të Brdo-Brijunit. Takimi po zhvillohet aktualisht në Shkup të Maqedonisë.
Të pranishëm janë krerët e shteteve të Procesit të Brdo-Brijunit; Kroaci, Slloveni, Maqedoni, Shqipëri, Kosovë, Malit të Zi, Serbi dhe Bosnje-Hercegovinës.
Në fjalën e tij, Presidenti Meta tha se kemi bërë të mundur që përmes ambicies së përbashkët për integrimin evropian të krijojmë një klimë më të mimrë të besimit reciprok dhe mirëkuptimit, kyç kjo për paqen, stabilitetin dhe prosperitetin e rajonit tonë.
Duke iu referuar abicjes së përbashkët të integrimit evropian për krijimin e një klime të besimit reciprok dhe të mirëkuptimit, Meta, theksoi gjithashtu se, fatkeqësisht, në muajt e fundit kemi parë kthim mbrapa tek retorikat dhe veprimet provokuese, të cilat sidoqoftë kanë qenë të izoluara.
Kreu i Shtetit shprehu mbështetjen e ambicjes për një vemendje dhe angazhim të përbashkët nga BE dhe NATO, që rajoni të ketë një perspektivë të qartë evropiane, si dhe një mbështetje efektive politike, ekonomike e financiare, që do ta realizonte në kohën më të shkurtër të mundshme këtë perspektivë.
