Shkon në 736 numri i të prekurve nga koronavirusi, ku u zbuluan rastet e reja sot

ISHP raporton se gjatë 24 orëve të fundit në vend janë konstatuar 10 raste të reja me koronavirus duke e çuar në 736 numrin total të të prekurve.

9 prej rasteve të reja sot u zbuluan në Tiranë, kurse 1 në Shkodër.

Gjatë 24 orëve të fundit, 12 pacientë të tjerë i janë shtuar listës së të shëruarve, duke e çuar totalin e të shëruarve nga COVID-19 në 422 ose 57.3 % e totalit të të prekurve

Aktualisht në vendin tonë, 286 ose 42.7 % e totalit të të prekurve janë persona aktivë me COVID19 dhe siç shihet përqindja e të shëruarve është më e lartë. Kjo tendencë tashmë vazhdon të jetë e qëndrueshme.

Në shërbimin infektiv aktualisht janë 29 të shtruar, nga të cilët 7 pacientë janë në terapi intensive. Nga këta, 1 pacient është i intubuar.

Ndërkohë, në spitalin COVID 2 “Shefqet Ndroqi”, janë 5 pacientë të shtruar, nga këta 2 pacientë janë në terapi intensive, njëri prej tyre i intubuar.

Në dy spitalet COVID aktualisht po marrin shërbim 34 pacientë.

Zonat më të prekura janë Tirana dhe Shkodra, ndërsa sëfundmi është kthyer në një vatër problematike Kruja.

Vijon…