Elseid Hysaj udhëtoi të hënën në Romë për të ndjekur në “Olimpico” Thomas Strakoshën, shqiptarin e Lazio-s që luante kundër Genoa-s. Pas sfidës dy futbollistët e Kombëtares kaluan disa momente mes tyre, para se e shtuna t’i përballë në Napoli kundër njëri-tjetrit.
Mediat italiane raportojnë se 24-vjeçari sot nuk është stërvitur me ekipin e Napolit, pasi ka probleme shëndetësore. Ai është lënë pushim, për shkak të një viroze. Nuk dihet me siguri nëse Hysaj do të mungojë të shtunën përballë Lazio-s, por deri më tani kjo ka shumë gjasa të ndodhë.
