Shkodranja Dorina Garuci po ngjit shkallët e karrierës në Gjermani.
Këngëtarja e talentuar shkodrane ka zbuluar se ka nisur punë në një nga teatrot operistikë më në zë në Mynih të Gjermanisë.
Njoftimin Dorina e ka bërë përmes rrjetit social Facebook, ku thotë se tashmë është pjesë e “Gärtnerplatztheater”.
Ky teatër është përuruar më 25 gusht 1864. Sot ai është një nga tre teatrot shtetërore bavarez dhe së bashku me Nationaltheater, është shtëpia e dytë e operës në Mynih.
Ai është projektuar nga arkitekti Michael Reiffenstuel. Dhe në të ditët e sotme, pjesa më e madhe e programit të tij janë shfaqje opere.
Dorina u bë e njohur nga spektakli “Ethet e së premtes mbrëma” dhe prej andej pati edhe disa eksperienca të suksesshme edhe në Vjenë të Austrisë.
Tashmë presim ta shohim duke shkëlqyer edhe në Gjermani. Urime dhe suksese Dorina!
/ShkodraNews/
