Reth 18 vite më parë së bashku me familjen Bujar Shala është larguar nga Shkodra drejt Norvegjisë, në qytetin e Oslos.
Ai tashmë kandidon si deputet në zgjedhjet e ardhshme të vendit skandinav.
“Prindërit tanë, si babai si nëna menduan që ne të kemi një jetë më të mirë dhe prandaj vendosën që ne të shpërngulemi drejt Norvegjisë. Por, çdo emigrant në fillime e ka të vështirë jetën jashtë vendit të tij”, tregon ai.
Pas zgjedhjes si anëtar i Këshillit Bashkiak në Sarpsporg të Qarkut Osfold me Partinë Konservatore Høyre ( Hojre), shkodrani kandidon për deputet.
Ai thotë që u bë pjesë e politikës, që të japë kontributin në vendin që jeton por edhe të përfaqësojë komunitetin shqiptar.
Bujar Shala ka lindur në Shkodër, ai është kandidat për deputet i Partisë Konservatore të Kryeministres Erna Solberg, ndërsa zgjedhjet e përgjithshme parlamentare, ku ai kandidon do mbahen më 11 shtator të këtij viti.
/rozafa.tv/
