Admir Bajri është personi i cili sot u sulmua me armë zjarri në Shkodër.
Bajri ishte duke udhëtuar me një mjet tip “ML” të zezë, ku më pas eshët qëlluar me armë zjarri pranë një supermarketi. Policia njofton se ngjarja ka ndodhur rreth orës 18:30, në lagjen Dobraç ku është plagosur 38 vjeçari teksa po udhëtonte me mjetin e tij tip Benz. 38 vjeçari është dërguar menjëherë në Spitalin Rajonal Shkodër dhe ndodhet nën kujdesin e mjekëve. Shërbimet e Policisë kanë rrethuar zonën dhe vijon krehja për kapjen e autorit/ëve.
Admir Bajri është pjesëtar i fisit të shumpërfolur në Shkodër, si “Fisi i Bajrave”. Grupi i Bajrave ka një sërë akuzash të bëra më herët publike që nga veprat e vrasjes dhe kryerja e veprave në kuadër të grupit të strukturuar kriminal.Deri më tani nuk dihen rrethanat e ngjarjes, si dhe me çfarë është plagosur personi. Pritet të tjera detaje të zbardhen në vijim. Grupi hetimor ndodhet në vendngjarje dhe vijon punën për sqarimin e plotë të rrethanave të ngjarjes, fiksimin e çdo prove të mundshme me qëllim identifikimin e autorëve.
