60 arbëreshë i dhanë një ditë feste Shkodrës, ku me kostumet dhe këngët e tyre tradicionale, përshkuan akset kryesore të kryeqendrës së veriut.
Të ardhur nga Kalabria, ata zgjodhën një datë të shënuar për historinë e vendit, pikërisht përkujtimin e 550 vjetorit të “Valles së fitores”, që është beteja e fundit e fituar nga Gjergj Kastrioti Skenderbeu.
Thirrja e tyre është që kjo ngjarje të kthehet në një traditë dhe festa të përfshijë të gjithë vendin, duke apeluar që mbështetja të mos mungojë edhe nga qeveria.
“Është një gjë e bukur sepse bashkohen 2 grupe të largëta por që janë të lidhura nga gjaku. Nevojitet të forcojmë këtë vëllazëri që gjejmë mes nesh”- thotë Loris Castriota Skanderbeg, pasardhës i Skënderbeut.
