Një 25-vjeçar ka rënë në prangat e policisë, pasi ishte shpallur në kërkim për trafik droge. Në kuadër të operacionit të koduar “Forest 2” u ndalua shtetasi me inicialet F. H., 25 vjeç, banues në fshatin Lepushë, në Njësinë Administrative Kelmend të Malësisë së Madhe.
Për këtë shtetas, Prokuroria e Krimeve të Rënda Tiranë me vendim Nr.243, datë 08.05.2017 ka urdhëruar ndalimin, si autor i dyshuar për veprën penale të “Trafikim të Narkotikëve”. Më datë 15.03.2017, në aksin rrugor Hot-Tamarë, në fshatin Rapsh, shtetasi i lartpërmendur sapo ka parë punonjësit e policisë, ka ndaluar automjetin dhe e ka braktisur atë në rrugë.
Gjatë kontrollit të ushtruar nga patrulla e policisë në automjetin tip Benz, në bagazhin e tij u gjenden: 7 thasë, në total me një sasi prej 76.2 kg lëndë narkotike e dyshuar marijuanë.
