Një ngjarje e rëndë në familje ka ndodhur në Shkodër ku një burrë ka vrarë me çifte bashkëshorten e tij.
Mësohet se ngjarja ka ndodhur pak pas mesnate në fshatin Guci e Re të Shkodrës.
Policia ka arrestuar shtetasin Beqir Gjilaj, 74 vjeç i cili pas një debati për motive të dobëta ka qëlluar me çifte bashkëshorten Lumturie Gjilaj, 45 vjeç.
Mësohet se gjithçka ka nisur nga një debat i zakonshëm për çështje familjare. Brenda pak minutave, debati ka degjeneruar deri në përdorimin e armës. 74 vjeçari e ka qëlluar me çifte nga një distancë e afërt bashkëshorten, duke e lënë të vdekur në vend. Nga informacionet e para mësohet se në banesë ndodhej vetëm çifti i bashkëshortëve.
