4 persona janë arrestuar mëngjesin e sotëm në qytetin e Dibrës. Policia Dibër ka njoftuar se finalizoi Operacionin “Liqeni i Zi”, ku është bërë i mundur verifikimi dhe zbardhja e dokumentit me prova ligjore ngjarja e ndodhur me 20 nëntor 2020, ku dy grupe personash qëlluan me armë zjarri në drejtim të njëri – tjetrit. Kështu pas më shumë se një viti në kërkim, policia ka vënë 3 masa sigurie “Arrest në burg”, dhe 1 masë sigurie “Arrest në shtëpi”.
Bëhet me dije se kanë rënë në pranga; shtetasi Sh. T., 53 vjeç, banues në Bulqizë, (me masë sigurie arrest në burg); E. T., 25 vjeç, banues në Bulqizë, (me masë sigurie arrest në burg) A. A., 34 vjeç, banues në Tiranë, (me mase sigurie arrest në burg , aktualisht ndodhet i ndaluar për një tjetër vepër penale në burgun 313 Tiranë) dhe i riu L. L., 29 vjeç, banues në Bulqizë, (me masë sigurie arrest në shtëpi).
Nga tërësia e veprimeve hetimore të kryera, informacionet e marra në rrugë operative dhe provave ligjore(shkencore) të siguruara, është arritur të dokumentohet ngjarja e ndodhur në datën 20 nëntor 2020, në aksin rrugor Bulqizë-Fushë Bulqizë , ku për shkak të një konflikti të mëparshëm për motive pronësie, shtetasit Sh. T. dhe E. T., duke udhëtuar me automjetin e tyre, kanë qëlluar me armë zjarri në drejtim të automjetit që udhëtonin shtetasit B. S.(Z), dhe A. A., të cilët u janë kundërpërgjigjur duke qëlluar me armë zjarri. Nga hetimet e kryera ka rezultuar se në këtë ngjarje është përfshirë dhe shtetasi L. L., i cili ka kryer veprime për të penguar zbulimin e së vërtetës.
