Djali i ish-kryeministrit, Shkëlzen Berisha nuk është paraqit sot në Komisionin Hetimor për ÇEZ.
Me anë të një letre drejtuar Komisionit, Shkelzen Berisha, shkruan se e ka të pamundur paraqitjen për shkak se ndodhet jashtë shtetit për arsye pune.
Balla, tha se ky njoftim nuk përmbush rregullat e një njoftimi ligjor.
“Kemi vazhdim të marrjes së dëshmive të dy dëshmitarëve të Nue Nikë Kalaj. Nuk ka ardhur. Kalojmë tek Shkelzen Berisha. Njoftohem nga Sekretaria që shtetasi Shkelzen Berisha ka drejtuar një njoftim drejtuar Komisionit Hetimor. I dënuari (lexon shkresën). Ou qenkam unë i dënuari, kryetar i komisionit. Faleminderit. Nuk e lexoj këtë shkresë. Supas këtij dëshmitari që vazhdon të tallet me këtë Komision informohemi se ne jemi të dënuar anëtarët e Komisionit bashkë me mua apo unë vetëm, pak rëndësi ka. Ky person nuk mund të vijë në Komision se qenka jashtë shtetit për një event pune apo për të festuar Shën Valentin, nuk e dimë”, tha Balla.
