Një 29-vjeçar nga Lushnja është dënuar me 1 muaj burg për shkak të shkeljes së rregullave të qarkullimit rrugor. Ai e ka kryer këtë shkelje disa muaj më parë, ndërkohë që policia i kishte referuar materialet në prokurori dhe kjo e fundit në gjykatë duke dhënë vendimin për dënimin me burg.
Pas vendimit, i riu është kapur nga policia dhe është dërguar në ambientet e komisariatit ku pritet që të njihet me vendimin e ndaj tij dhe më pas të kryejë 30 ditë burg.
“Specialistët e Sektorit të Qarkullimit Rrugor në DVP Fier kapën dhe ndaluan shtetasin e shpallur në kërkim F. T., 29 vjeç, banues në Lushnjë, pasi Gjykata e Shkallës së Parë Lushnjë e ka dënuar me një muaj burgim për veprën penale “Drejtimi i automjetit në mënyrë të parregullt”.
