Koreja e Veriut ka vendosur masa ekstreme kundër përhapjes së COVID-19. Mësohet se autoritetet e Koresë së Veriut kane ekzekutuar më 28 nëntor një person të akuzuar për kontrabandë përtej kufirit të mbyllur kinez.
Duke iu dhënë një shembull frike qytetarëve të tjerë që nuk respektojnë rregullat e qeverisë për koronavirusin, raporton Radio Free Asia .
Personi i dënuar me vdekje u përshkrua si një burrë në të 50-at e tij i cili u akuzua për kontrabandë me partnerë kinezë të biznesit përtej një kufiri i cili ka qenë i mbyllur për pjesën më të madhe të vitit 2020.
Kina është partneri më i madh tregtar i Koresë së Veriut, por tregtia midis vendeve ka rënë me 75 përqind për shkak të pandemisë.
Nga frika se ata mund të sjellin virusin, regjimi i Kim ka rritur forcat ushtarake në kufi për të zbatuar kufizimet. Pyongyang ka dërguar gjithashtu njësi speciale për të kontrolluar rojet kufitare dhe për t’u siguruar që edhe vetë ata nuk janë të përfshirë në kontrabandë.
Një burim tjetër tha se ekzekutimi publik ishte tipike e përpjekjeve të regjimit për të trembur njerëzit.
