Një grup kriminal shqiptarësh të cilët merreshin me grabitje kanë rënë në prangat e karabinierëve në Prato të Italisë.
Sipas akt-akuzës, shqiptarët kanë kryer një seri vjedhjesh jo vetëm në Prato, por edhe në provincat e Pistoia dhe Firence. Në pranga kanë rënë shtetasit Ernest dhe Brigel Shehu, përkatësisht 31 dhe 35 vjeç.
Po ashtu, në pranga kanë rënë edhe dy bashkëatdhetarë të tyre, bashkëpunëtorë në vjedhje, 32-vjeçari Eri Bibaj dhe Roland Zyba 25 vjeç. Së paku tetë vjedhje të bandës janë dokumentuar, të kryera kryesisht gjatë vitit të kaluar.
Ata kanë vjedhur një sërë sendesh të çmuara të tilla si ora Rolex, por edhe diamante. Po ashtu, shqiptarët kanë vjedhur edhe makina e para të gatshme. Katër shqiptarët janë në burg, në pritje të gjykimit ndaj tyre.
