Shkarkohet mësuesja nga puna e cila i bënte thirrje nxënësve në emër të drejtorisë së shkollës për të marrë pjesë pasdite në mitingun e Edi Ramës në Kavajë. Nxënësit i bënë mësueses i bënë një video dhe më pas u shpërndanë në internet për të denoncuar përdorimin e mësuesve dhe shkollave në fushatën e socialistëve.
Ministrja Lindita Nikolla deklaroi se “mësuesja Elona Bizhdili, e gjimnazit “leksander Moisiu” ka shkelur urdhërin tim të prerë për të mos bërë propagandë politike në klasë! Në zbatim të urdhërit, mësuesja do të largohet menjeherë, që sot, nga sistemi arsimor”.
Sakaq reagoi edhe Kryeministri nga salla e Parlamentit: “Mësuesit dhe nxënësit janë të lirë të aktivizohen politikisht, por jashtë mureve të shkollës”, tha ai.
Rama i është drejtuar PD-së se “Edhe ne na kanë sjell foto të mësuesve e nxënësve në çadër, por asnjë gjemb në këmbë nuk u ka hyrë”.
