Një sërë ndryshimesh kanë ndodhur në drejtoritë e doganave, nga Durrësi në Kapshticë.
Mësohet se ditën e sotme është shkarkuar nga detyra drejtori i doganës së degës Durrës, Denis Shabani, ndërsa në vend të tij është emëruar Rubin Shehu.
Po ashtu është shkarkuar dhe drejtori i doganës së degës së Tiranës, Arben Krasniqi, ndërsa në vend të tij është emëruar Skerdi Rama.
Gjithashtu është shkarkuar drejtori i degës së doganës së Kapshticës, Olsi Konomi, ndërsa në vend të tij është emëruar Julian Çollaku.
Ndryshimet në dogana vijnë pak javë pas ndryshimit të drejtorit të Përgjithshëm.
