Kryetarja e Autoritetit të Mbikëqyrjes Financiare Enkelejda Shehi tha se shkarkimi i saj është dirigjuar nga kryetari i Bordit Pajtim Melani dhe kryetari i komisionit të Ekonomisë Erjon Braçe.
Në Komisionin e Ekonomisë dhe Financave, Shehi ka dëshmuar lidhur me kërkesën për shkarkim të saj nga anëtarët e bordit të këtij institucioni.
“Nga unë? Unë veproj vetëm mbi bazën e shkresave. Vazhdojeni atë që keni nisur kundër meje, por në qoftë se nuk keni asnjë shkresë dhe as një firmë, ju lutem shumë kursejeni. Është e papranueshme që cilido nga funksionarët e këtij Kuvendi, funksionarë civilë të marrë përsipër të argumentojë ligjin, Kushtetutën, të marrë përsipër të interpretojë Rregulloren e Kuvendit dhe mbi të gjitha të mos zbatojë rezolutën e Kuvendit të Shqipërisë”, tha Braçe.
Komisioni vendosi të shtyjë vendimmarrjen për lirimin nga detyra të Enkelejda Shehi për ditën hënë, ndërsa relatori Ervin Bushati do të përgatisë raportin për seancën plenare.
