Ka nisur sot seanca e parë gjyqësore për dosjen “184” në Dibër.
Më 18 dhjetor, kjo dosje u mbyll nga prokuroria me vetëm 4 ish-zyrtarë të pandehur. Protangonistët e këtij skandali të publikuar fillimisht në VOA dhe më pas me audio-përgjime në Bild i shpëtuan akuzave. Prokuroria vendosi pushim të çështjes për personat nën hetim Dionis Imeraj, Imer Lala, Arben Keshi, Bekim Krashi, Afrim Mikli.
Për ta u është konstatu se kanë kryer veprën penale të shitblerjes së votës, por për shkak të tejkalimit të afatit 3-vjeçar vepra penale është parashkruar, ndaj s’mund të merrem në përgjegjësi penale.
Të pandehur në gjykatë kanë përfunduar 4 ish-zyrtarë; Robert Aga ish-shefi i komisariati në Dibër, Drini Gjeci ish drejtor i arsimit, Nuri Meda zyrtar në njësinë administrative Tomin dhe Hasan Hoti njësia administrative Lurë. Ata akuzohen për shpërdorim detyre kanosje të zgjedhësve.
Dosja 184, e hapur pas zgjedhjeve të pjesshme te 2016-ës, dhe e mbyllur më 18 dhjetor të vitit që shkoi, prej katër vitesh, u transferua nga prokurori në prokuror, nga Krimet e Rënda në Dibër e nga Dibra në Tiranë.
SPAK e la në kompetencë të prokurorisë Dibër. Përgjimet e kësaj çështje nxorën zbuluar një sërë zyrtarësh të lartë të partisë socialiste të cilët dëgjoheshin duke folur për votat gjatë fushatës se procesit elektoral për kryebashkiakun.
