Që prej ditës së djeshme vendi është karakterizuar nga një mot i vranët dhe me shira, ndërsa priten shira edhe më të rrëmbyeshëm gjatë natës deri paraditen e nesërme.
Sipas Meteoalb shirat janë të pranishme me intensitet më të lartë në zonën jugore dhe jug-perëndimore të vendit ku pritet të bjerë 10 deri në 20 milimetra shi brenda orës.
Ndërkohë, parashikohet që në zonat malore të rajonit jug-lindor të ketë prezencë të reshjeve të dëborës gjatë natës dhe paradites së nesërme.
Moti pritet të përmirësohet duke filluar nga mesdita e nesërme, por temperaturat do të vijojnë të jenë të ftohta, sidomos në mëngjes dhe mbrëmje.
