Policia e Shijakut ka arrestuar një 30-vjeçar i cili ka plagosur një 25-vjeçar për motive të dobëta.
I arrestuari është Ismail Nuredini, i cili në hyrje të qytetit të Shijakut ka plagosur në këmbë me pistoletë shtetasin me iniciale B.K. 25 vjeç. I dëmtuari ndodhet në spitalin e Durrësit, jashtë rrezikut për jetën.
Policia ka arrestuar edhe 21-vjeçarin Ermir Dedja, i cili konsiderohet si përkrahës i autorit të plagosjes.
Ismail Nuredini është person me precedentë penalë të mëparshëm në fushën e veprave penale kundër jetës dhe pronës, i arrestuar në vitin 2009 për tentativë vrasjeje dhe në vitin 2016 për shkatërrim prone me zjarr.
