Lëvizja pa kontrolle në dy anët e kufirit Kosovë –Shqipëri çdo fundjavë dhe në festa zyrtare do të jetë në zbatim deri 30 shtator.
Duket se ky vendim ka sjellë lirinë e kalimit dhe qarkullimit të automjeteve. Një fugon i mbushur plot e përplot me njerëz është parë në Golem pasditen e së shtunës. Siç duket edhe në foto, në automjetin me targa të Kosovës ndodhen një numër i madh djemsh, të ngjeshur njëri-pas tjetrit duke qëndruar në këmbë.
Djemtë po qëndrojnë në këmbë duke rrezikuar kështu edhe jetën, jashtë çdo kushti sigurie.
Kujtojmë se në fundjavë kontrollet doganore në kufirin Kosovë-Shqipëri janë hequr. Ambasadori i Shqipërisë në Kosovë, Qemal Minxhozi është shprehur se heqja e kontrolleve ka shtuar lëvizjet me 15%.
