Në orët e para të mëngjesit të sotëm, i gjithë Qarku i Fierit është përfshirë nga reshje shiu të lehta, të cilat nisën me shtrëngata, por më pas moti u qetësua.
Fatmirësisht nga këto reshje nuk raportohet për dëme materiale, ndërsa në këto momente moti paraqitet i qetë, me diell të nxehtë, por vranësirat vijojnë të jenë të pranishme.
Gjatë motit me reshje shiu, vijon të mbetet shqetësim derdhja pa kriter e hidrokarbureve nëpër kanalet kulluese të zonave naftëmbajtëse, të cilat pasqyrohen në lumin Gjanica në Fier, shqetësim ky që vijon edhe pas rehabilitimit të shtratit të Gjanicës, por edhe gjobat administrative që janë vënë përsëri pa rezultat në terren.
