Gripi i shpendëve është shfaqur në fshatin Adë të njësisë administrative Frakull të Fierit.
Raportohet se janë konstatuar dhe asgjësuar 120 krerë të prekur me grip shpendësh mes të cilave 70 pula fushe, 14 zogj deti, 16 rosa dhe 20 pata. 30 shpendë kishin ngordhur më herët si pasojë e sëmundjes.
120 krerët e prekura janë asgjësuar në një gropë dy metra, pas miratimit të një “varreze” për groposjen e shpendëve në fshatin Adë larg qendrave të banuara. Ndërkohë është bërë edhe dezinfektimi i fermës. Autoritetet kanë nisur kontrollet në disa pulari në zonë, duke marrë kampione shpendësh.
