“Edhe tre dite do duroj helmin dhe cinizmin në drejtim të sheshit më të bukur në botë Sheshit Skënderbej”, kështu është përgjigjur kryebashkiaku Erjon Veliaj, kritikëve për sheshin “Skënderbej”.
Gjatë takimit me banorët e Njësisë Administrative Nr.8, tek Pazari i Ri, Veliaj bëri një bilanc të punëve publike që janë bërë në këtë zonë, si dhe të projekteve madhore që kanë prekur gjithë kryeqytetin.
Veliaj theksoi se një nga projektet më të rëndësishme, por edhe më të bukura të realizuara në këto dy vite të para të mandatit të tij si kryetar bashkie, është pikërisht transformimi i sheshit “Skënderbej”.
Teksa ftoi qytetarët që të bëhen pjesë e festimeve që do të organizohen për hapjen e sheshit në 10 qershor, ora 19.30, Veliaj shtoi se Sheshi Skënderbej do të jetë një nga sheshet më të bukura jo vetëm në rajon.
