Ky sezon i ri e ka gjetur Nora Istrefin në pozita më të ulëta se vitet e shkuara. Artistja ndër vite ka mbajtur postin e një ndër artisteve më të paguara. Nëse kohë më parë këngëtarja do të shkelte në një koncert live, do të paguhej 5 mijë euro. Por duket se me kalimin e viteve dhe mungesave e hiteve ka bërë që artistja ta ulë tarifën dhe sot të paguhet deri në 3 mijë euro në koncerte.
Madje, javën e fundit në rrjet ka nisur edhe një sherr virtual mes saj dhe menaxherit të VIP-ave, Alesio Alia, i cili ka folur së fundmi rreth koncerteve të këngëtarëve shqiptarë jashtë vendit, veçanërisht në Australi.
I ftuar në “Shqipëria Live”, ku po fliste për fitimet e këngëtarëve shqiptarë në koncerte, ai shprehu se artistët që kërkohen dhe paguhen më shumë janë ata që kanë vite në tregun muzikor dhe që kanë punuar fort për të arritur aty ku janë.
Gjithashtu, ai nuk ka lënë pa përmendur edhe momentet e tij, kur ka humbur para nga koncerti i një artisti dhe këtu ka përmendur këngëtaren e njohur Nora Istrefi. Alesio u shpreh se artistja nuk ka pasur këngë hite dhe për t’i bërë një nder menaxherit të Norës, i cili ishte dhe miku i tij, e mori në koncert, por për fat të keq ai rezultoi i humbur dhe nuk pati asnjë fitim.
Mirëpo, pas këtyre deklaratave ka ardhur dhe reagimi i Norës në rrjetet sociale. Nëpërmjet një postimi në “InstaStory”, këngëtarja i ka hedhur poshtë fjalët e Alesios duke i quajtur të pabaza, teksa ka treguar se ai nuk tregon seriozitet në organizimet e eventeve dhe se arsyeja ishte zhgënjimi që ai u dha fansave duke mos sjellë në koncert këngëtarët që iu kishte premtuar publikut.
Nga ana tjetër, menaxheri i VIP-ave, Alesio Alia, i është kundërpërgjigjur këngëtares Nora Istrefi, pasi kjo e fundit e akuzoi se nuk ka seriozitet në organizimet e eventeve të tij.
Në një postim në “Instastory”, Alesio Alia ka folur për reagimin që Nora Istrefi bëri duke e shprehur se në fakt është ajo personi që nuk ka seriozitet në punë.
